Tripura hasteo kwbangkwk Tiprasa kami nw hathai haphung bai kwrwngjaknw hinwi manu. Ora nwk jagw tabok phanu thang laiso khaithani jwngjal, kwrwi kaisa bw kaham lama tei twi barthai yakhrai. Kwtal jorao bw kwrwngwi manliya hayungbai. Omo haikhe nw tobowi phaikha kaisani Kami amchani mangphli belai kheno lama hamyani jwngjalni koktwma. Borog bahai khe jwngjalno sako twiwi matong bai jakha o langma tongkwragw.
Ang tini kaisa kamio thangwi kamini luku rok bai thaisa thainwi koklam salaikha, Kamini mung ungkha Duranta Ruwaja Kami (Dhakhin Mainama),tai o kamio lama rokni belai kheno jwngjal hinwi bo sai khna rikha khoroksa mung Ranjit Tripura.
O takhuk saikhwna rikha borogni kamio amchai rogo belai kheno lamani jwngjal bahaikhe nwk jagwi tong hinwi.Tomani hinmale borogni kami wngkha balong bisingw, tai borogni kamio 70 haiyakhe 80 nukhungni swk rok nukhung ni borok tongw, Borok ni kami gana gini rogw kmwng hati nok tai Swrwngnok tei Hospital rok kono phanu kwrwi. O jwngjal chini kamio simi ya omo hai kwbang kwk Tiprasa kami amchai rogo nwk jagwi tongw. Waisa waisa Swrwngnok laiso thanio bwswk jwngjal bai kwrwngwi tongna nang - omo rwng swrwngnai rok simi nw saimasinai hinwi sawi khuna rok kha Ranjit Tripura.
Hathi nok, School,Hospital rok to tongw haiphano hakchalo. Kamio kuno Hati nok rokbo kwrwi. Buphangni yakhwrai twi himwi ma thangu jesa jaga samung nangwi thang na kwlaibo.
Borok ni kami bai 2km swk hakchal wngnai oh yakhwrai swnamjak kainwi, kaisa khai kolokma yakhwrai taikaisa khai chikonsa yakhwrai. Omo lama hamyani bangwi watwi jorao malkhung kaham khe hapwi manya Kami bising rogo. Sak hamya bemar ungjak roknw tulangna Hospital rogo belanw jwngjak tei tong kesep ungwi thangw.Yakhwrai ni tolao je twisa tong mani aro watwini jorao khai twi kwbangma phaimani bagwi yakhwrai bo nukjakya wngwi thangu,aphuru khai kamini luku rok taibo jwngjalo kwlai thangu.Tai aroni bisingo waisa oisu khai oh buphangni yakhwrai bo kwcham wngwi buphang phonwi baiywi bo thang mani jora tongu, Aphuru khai kamini luku rok yakhwrai si baiywi thangphano ayang oyango thang nani nangma bagwi twisa twi no cherai khonai rokno bo School rogo rohoro tai hati rokbo khlai chalaiyo.tai kulum kwsa wngkhai bo Hospital rogo dakti sogwiya lama hamyani bagwi.Tai oh buphangni yakhwrai baithangkhe waa ni bo yakhwrai swnamwi ma himlaiyo. Kamini lukurok nw pal pal khai wa haiyakhe bwphang ni yakhwrai swnamwi borok himlaiyo.Tai o kamini tong kosang tongjanai luku rokHukbar khaiwi mang no chailaiyo sal phaike kheto ni samung tangu baksaba bolang ni muikwthwng rwtwk kwthwk khaiwi chailaiyo. Oh Duranta Ruwaja Kamio lukuruk nokthai tangwi tonglai mani 80 year rok wngnai, Aboni bagwi o yakhwrai bo 80 bisi rok joratwino wngnai lukurok abo haike lamani jwngjal kwlai mani.
Haphangni bwkhaktwi sepsap sanwi bw tabokswk jora mwngsa phanu chubachu manya khw.
O kamio Haphang aswk chubachu riyani tangwi hinmale Kami paihak hinwi sepsap yaphar jakya hinwi Kamini luku rok salaikha,o kami lai oi thangkhe tai kuno kami kwrwikha bolong mangsi malai nai, o kamino paithak hinjagu. Kamini khoroksa bw khorang tisa manyani bangwi Sepsap bw tobowi manliya borog. O yakhwrai wngkha kaisa chini Tiprasa rokni siri siti bo hinjagu, agini Malni simi no abo haike wa ni yakhwrai haiyakhe buphangni yakhwrai rok swnamwi himlaiyo tiprasa rok.
Haiphano tai salbwswk abo haike buphangni tai waa ni yakhwrai swnamwi himlaisinai hinwi sakha kamini luku rok, kaisa kaham bridge swnamjak man nani muchungkha tabukle 80 year ni ulo phano.
Comments