Puila no norok jotono khulumkha, ani mung wngkha Sarika Debbarma, ang khoroksa Tripura ni. Ang tini norok no swnamwi phunuk nai waruk tai rai yarwng ni rabwi yago kanjak nai mathiya.Swkang wamilik waa ni waruk chirwi satungo salsa phwranna nangu tamoni hinmale waruk go bakumai rok peryani bagwi, Ulo khai rai ni yarwng nobo chirwi naharkha waruk haikhe. Waa ni waruk kaisa naharwi kiting khlai oi dolwi nahar kha, tai abo haikheno taikaisa mathiyani bagwibo dolwi naharkha warukno,ulo khai aro (FLEX KWIK) atha no ri oi swrabsa kwrak khai toni nai. Mathiyani sakao naithok khlai nukjak na bagwi rai yarwng ni waruk chirjakno rabwi buduk haikhe swnamwi rikha,mathiya ni sakao flex kwik atha bai kwrak kwrak khlai thepa oi.
O mathiyano swnam nani aswk kosto ya kwlai tiyasi, salsa swkang waruk no chirwi toni khai taini dino swnamwi manu, 30 minute bai no swnamwi manu. Chwng abo haikhe no waa tai rai rok ni jewellery swnamwi kanlaiyo, Program rogo naithok naithok dress bai rok o mathiya haiyakhe waa ni jewellery no kan khai belai no mwchagwi nukjagu. Waa ni swnamjak juwelary haiyakhe tai kubuni swnamjak manwi rok rok no nijeni yak bai swrwngwi swnamwi mankhe belai kheno kaham.
Kubun Article: Sakolok Mwtai Rwmani - tamo?
O wamilik waa ni waruk bai sudu yago kanjak nai mathiya simi swnamjakya,taibo naithok naithok wakhum,mala,yasitem,surang, abo hai rokbo swnamwi manu. Chwng o waa no bolongo bo manthogu,tai jodino bolongni tubu oi nok gana gini rogo kaijak tong khai abo baibo swnamwi manu, O waa no chwng bisi broom no manthogu bolongo, Chwng o waa bai jewellery swnam mani karon wngkha o waa wngkha aswk kwrakya norom hai wngwi tongu kisa plastic hai baiya,tai waa ni bomtok bo kwrwi milik wngwi thangu. Bini muya nobo chai manu muya manthok mani jorao khai. Abo haikheno rai yarwng ni bo swnamjagu mathiya,mala,wakhum, Rai yarwng bai jewellery simiya jesa manwi bo swnamwi manu, rai bai manwi rok swnam khai aswk khai kwrak tai kwbangma sal balogwi bo tongu, Jemon cherai rokno muthu mani waying,achukjaknai cheyar,table,khuturuk, Abo hairok tai kwbangma samungo bo phwnang jagu o rai ni yarwng no, waa ni slai bo belaino kwrak rai yarwng aswk khlai.
Chwng o rai ni yarwng no bolongo manthogu haiya khe ba baksa baksa jagao khai bolong ni tubu oi nok ganao kwbangma khlai kai oi toni o rai ni buphang no.Ang o samung no puila ani dol rok waa ni samung phwrwngma jagao jewellery ni training khlai tong ma nugui ang bo salsa ani dol rok bai aro training khlaima jagao thangwi swrwngkha.abo haikheno salsa salnwi khlai swrwng mang swrwng mang no manwi thangkha ang o samung no.
Tabuk khai ang o samung no swrwngwi jora jora order rok bo rohor o, tai kubuni borok rok nobo training khlai oi o samung no phwrwngwi tongu. Belai no samung kaham abo.Norok bo ani o samung no nugwi swrwngwi mmanu,aswk kosto ya.
Comments