Tripura kokborok Film Industry o kwbangma thwngnuk mwsakrwng, sak saichungno sinijakna muchungma tei kokborok kok eba hukumu-mukumuno hamjagwi samung tangma kwbangkukno nukjago. Aboni bisingtwiphano tabukni o jorao kwbangkuk khwlaiwi khwlaijakgo music video, album tei films akorogo. Northeast Tripura ni Durga Chowdhury kami ni khoroksa tokey mwsakrwng Samrat Debbarma tabuk twrwk twrwkhe Tripura tei hayung haa kotoro sinimung manwi tongo. Kokborok Films Industry o samung khwlaina muchungmani sal kwdwkma romwino Samrat Debbarma. Phiya seple bahaikhe manai bini khao swngmung tongmani? Tei wanajakmani kok wngkha lukurog bono nugwi khao gosiwi da naharno, bo khoroksa thwngnuk mwsakwrwng eba tokey mwsakwrwng hwnwi?
O Industry o puila yapri semani Tripura ni tokey mwsakwrwng Santa Debbarma ni chubachuni bisingtwi manmani. Salsa Tripura hasteni TTAADC ni Naruai Hallo thwngnuk panda khwlaiwi tongma jora Tripura ni Director Sarat Reang bono nugwi khaphurjakmani yagulono bono kaisa Films eba tokey khwlainani sep manmani.Puila tokey eba puila Industry o yapri rwmani Kuchuk Hachikam ni bisingtwino tokey mwsakwrwng Samrat Debbarma kwrwngmani eba sinijakmani Tripura hasteo.Tripura o kwbangma Films eba tokey akorog khwlaijakha. Haiphano jora joraokhe Tripura ni Artistrogno khabeljakma nukjago kwbangkukno. Samrat Debbarma khoroksa Tiprasa tokey mwsakwrwng wngnani muchungjakmani kok wngkha Tripura kaisa kotorma Films Industry swnamnani. Tei khaksa bwkhak Industry tomung kotorkhe nukjakhe eba khwlaijakheba joto Artists ni kaisa ajimari kwbang nukjakha. Abono karwibo haste haphangni ajimari hindi, haste Tripura ni kokborok kok tei kanmung chumung hindi jotono phwlang phwlangkhe hayung ha kotoro pirsajagwi mano. Teibo nangkukjak wngkha o tokey khwlaimani bisingtwi hoda, rwngthwngnuk, awareness video akorog khwlaiwi sicharwmung tubuwi mano. babaisa khwlaiwi tei kaisa nangkukjak wngkha kubuni bosongni bororokbo Kokborokno swrwngwi manai tei hayung ha kotoro pirsajaknai. Thwngnuk mwsakwrwng Samrat Debbarma jotowi kaiba tokey khwlaikha. Joto tokey no Kokborok kokbai khwlaikha thwngnuk mwsakwrwng. Bini Films eba tokeyrog wngkha 1.Chamari Ompa Hindi 2017 (Ek Prem Katha), 2.Kuchuk hachikam, 3.Dayano Mwsa Chamani,4.Tiprasa . kwtal wngkha Phakua. Abono karwibo Short Films tongo 10,323 Teacher, Thinangni Hamari, Langma Ani, HIV/AIDS.
Kubun Article : Moiphuwa tamo?
Lock-down eba Corona Virus ni jora Tripura Govt. Tei FTII(Films and Television Institute of India) Collaborate ni bisingtwi kaisa kotorma sep tikhwlaikha Tripura ni Actor ni bagwi. O sep bo sai manwi online koimung rohorkha. Aboni nokha talsani ulo FTII ni bwkhak Basic Course in Screen Acting khwlainani sep mankha. nokha talsa romwi mungsa rang rwna nangyawi Online o course no khwlaikha. Ah jora FTII ni bwkhaktwi Course Director wngkha Phonsok Ladakhi. Abohai sep manwi khatungjakmani kokbo sawi khwnarwkha. Teibo nangkukjak wngkha Flok Dance Represent khaikha Republic Day Parade 2023 Govt. Of India Ministry of Defence Rashtriya Rangsala Camp. Flok Dance cheraini simi Kathak Dance 2 years khaikha music college. Flok Dance Tripura tei India ni kwbangma phatar hasterogo thangwibo panda khwlaikha. All India Radio “Huk” thwngnuk khwlaikha. Thwngnukni bisingtwi Drugs Awareness panda khwlaikha Doordarshan Kendra Agartala. Music Video album ni bisingo tongo 1.Khapang oh letha(Supporting Casting), 2. Ani Hero(Cast), 3. Bwkha ni Kwcharo(Cast), 4. Saibo Mankha(Cast).
FILM AND TELEVISION INSTITUTE OF INDIA SCREEN ACTING SAMRAT DEBBARMA
Tripura kokborok Film Industry o kwbangma thwngnuk mwsakrwng, sak saichungno sinijakna muchungma tei kokborok kok eba hukumu-mukumuno hamjagwi samung tangma kwbangkukno nukjago. Aboni bisingtwiphano tabukni o jorao kwbangkuk khwlaiwi khwlaijakgo music video, album tei films akorogo. Northeast Tripura ni Durga Chowdhury kami ni khoroksa tokey mwsakrwng Samrat Debbarma tabuk twrwk twrwkhe Tripura tei hayung haa kotoro sinimung manwi tongo.
Kokborok Films Industry o samung khwlaina muchungmani sal kwdwkma romwino Samrat Debbarma. Phiya seple bahaikhe manai bini khao swngmung tongmani? Tei wanajakmani kok wngkha lukurog bono nugwi khao gosiwi da naharno, bo khoroksa thwngnuk mwsakwrwng eba tokey mwsakwrwng hwnwi?
O Industry o puila yapri semani Tripura ni tokey mwsakwrwng Santa Debbarma ni chubachuni bisingtwi manmani. Salsa Tripura hasteni TTAADCni Naruai Hallo thwngnuk panda khwlaiwi tongma jora Tripura ni Director Sarat Reang bono nugwi khaphurjakmani yagulono bono kaisa Films eba tokey khwlainani sep manmani.Puila tokey eba puila Industry o yapri rwmani Kuchuk Hachikam ni bisingtwino tokey mwsakwrwng Samrat Debbarma kwrwngmani eba sinijakmani Tripura hasteo.
Tripura o kwbangma Films eba tokey akorog khwlaijakha. Haiphano jora joraokhe Tripura ni Artistrogno khabeljakma nukjago kwbangkukno. Samrat Debbarma khoroksa Tiprasa tokey mwsakwrwng wngnani muchungjakmani kok wngkha Tripura kaisa kotorma Films Industry swnamnani. Tei khaksa bwkhak Industry tomung kotorkhe nukjakhe eba khwlaijakheba joto Artists ni kaisa ajimari kwbang nukjakha. Abono karwibo haste haphangni ajimari hindi, haste Tripura ni kokborok kok tei kanmung chumung hindi jotono phwlang phwlangkhe hayung ha kotoro pirsajagwi mano. Teibo nangkukjak wngkha o tokey khwlaimani bisingtwi hoda, rwngthwngnuk, awareness video akorog khwlaiwi sicharwmung tubuwi mano. babaisa khwlaiwi tei kaisa nangkukjak wngkha kubuni bosongni bororokbo Kokborokno swrwngwi manai tei hayung ha kotoro pirsajaknai.
Thwngnuk mwsakwrwng Samrat Debbarma jotowi kaiba tokey khwlaikha. Joto tokey no Kokborok kokbai khwlaikha thwngnuk mwsakwrwng. Bini Films eba tokeyrog wngkha 1.Chamari Ompa Hindi 2017 (Ek Prem Katha), 2.Kuchuk hachikam, 3.Dayano Mwsa Chamani,4.Tiprasa . kwtal wngkha Phakua. Abono karwibo Short Films tongo 10,323 Teacher, Thinangni Hamari, Langma Ani, HIV/AIDS.
Lock-down eba Corona Virus ni jora Tripura Govt. Tei FTII(Films and Television Institute of India) Collaborate ni bisingtwi kaisa kotorma sep tikhwlaikha Tripura ni Actor ni bagwi. O sep bo sai manwi online koimung rohorkha. Aboni nokha talsani ulo FTII ni bwkhak Basic Course in Screen Acting khwlainani sep mankha. nokha talsa romwi mungsa rang rwna nangyawi Online o course no khwlaikha. Ah jora FTII ni bwkhaktwi Course Director wngkha Phonsok Ladakhi. Abohai sep manwi khatungjakmani kokbo sawi khwnarwkha. Teibo nangkukjak wngkha Flok Dance Represent khaikha Republic Day Parade 2023 Govt. Of India Ministry of Defence Rashtriya Rangsala Camp.
Flok Dance cheraini simi Kathak Dance 2 years khaikha music college. Flok Dance Tripura tei India ni kwbangma phatar hasterogo thangwibo panda khwlaikha. All India Radio “Huk” thwngnuk khwlaikha. Thwngnukni bisingtwi Drugs Awareness panda khwlaikha Doordarshan Kendra Agartala. Music Video album ni bisingo tongo 1.Khapang oh letha(Supporting Casting), 2. Ani Hero(Cast), 3. Bwkha ni Kwcharo(Cast), 4. Saibo Mankha(Cast).
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.
留言