Kwbang ma jora swkang rogo chini hasteo tei alka haste hayung rogo tongnai joto dalbidal bayaprog tei kubun hasteni bayaprog tei borokrogni hamya Chaya wngui tongmarogno hamrwna bagui chini borokrogni bisingo nw hamrwo hai hinui chini puito chajakma tongo tei abo kubui wngui bo nujakgo tei o kubuini bisingtwino borokrogni mokol bo kiyokma nukjago.
Kulum kwsano bithi bwrai bai hamwi nukjakmao chini borokni puito kainwi tongo,kaisa tongo Imangni puito tei kaisa tongo boini kaham wngui nukjakgui phaima puito.Phiya borog sao Imangni puito abo boino sakhe hamya hai hinui.Phiya abohai bo tongo je boini khukbai khwnawi swrwngui phunukgui hamrwi manma abo bo kaisa nangkukmani.phaidi chwng tini saimanlainai kaisa kainwi chini borokrogni 'Nali pama' bithi manma tei borokrogno hamrwmano twiwi.
Rainyabati Debbarma bo thwikha 2001 bisio tei bini umor aphuru 90 amoswkrog.Bini manama abo 'Nali pama' borokno bithi rwi hamrwmani nukmani bini suk brwi kaisa sawi manrwkkha.Bini suk brwi tabok sawi khwnarwo, jephuru ang kaijakha aphuru ang ani bwsaini digini nokni borokrogno 'Nali pama' bithi rwwi hamrwkha.Wansokha puila ani nana hamrwi manmao ang bo hamrwida mano maya phiya abo kaham wngma nukjakha.swkang ani bwkrajwk Nali pajakgo olo salrogo hinkhe kwdwkma jora rogo boi kamio pajakgo, jephuru kokbai kok nobar bai baksa wngkha aphuru boi khwnao aniro bithi naphaina phaibaikha.
Ang swngkha bini nana tei tamo bithi man?bo sao (Sabitri Debbarma),"ani nana ni bongso o khoroksa kabiraj tongo abo wngkha ani nana ni bwfayung ni sajwla bo kabiraj khayo tei borokrogno bithi rwwi hamrwo tei bo tabokbo kwthang tongkho.
Teibo swngkha abo kabiraj ni mung tei bo bwswk jora sinimung kaham manjak? bo Sao,"Bini(mama) mung Bimal Debbarma tei bo agini simingno kabiraj khwlai phaio tei tabokbo khwlaida tongkha sasokmaya, tangui hinma tabok sorirog chalia hinui khwnao.
Din salsa swakng tow bini kabiraj ni bithi naphaina bagui nokgo borok chakya borok kupulung mai chana bo jora maya achukna bo jora maya omoswkhe borok bango agiphuru o biniro bithi naphaina phainairog aswkhe bangrwkgo."
Tabok 'Nali pama' bithi bahaikhe swnam tei Nali pama' bomhai, (Sabitri Debbarma)Puila kula hai wngui bothrai budul wngui nukjakgo olo amo kothok wngui thango ah budul bothrai tei abo kwbangmakhe erwi bo thango,abo wngkhenu sawimano Nali pao hinui.
Bini bithi hinkhe kainwi sususi aswkheno wngo abo wngkha Tha thengwi tei sindai bolkhong.Sindai bolkhong no sokgui kahamkhe khamrwwi nao tei Tha thengwi no hinkhe kisa sirikgui nao,olo abo kainwino miliwi hulkhata kwsapkhe.Abo hulkhe nu bithi chawi thango tei abono Nali pama' jaga bini bukhukgo chwrapkhe thewi rwo.Bithi thewi rwma 7din kaya swkang milikgui hamwi thango.
'Nali pama' bwswk jora hamya?
Nali pamaba hamyanu tangui hinba abo baksa borok phikong rogo pajakgo te mwkhng khangar rogo,phiya khangar o phakhe abo purasi khangar kwpla wngui thango,hinkhe naidi abo bwswk hamya.Khiroksa wainjwk bo onek Thai thaio thangui Dr. Naijaksukha hamya olo ayang uyang paisokgui si aniro saimanwi bithi nawi hamkha hinui khwnaka.
Bithi bwrai manma chini borokrogni eba Tripura o tongnai Tiprasarogni kaisa kubui sinimung.Nali pamani bithi omoswk kwlaisa, phiya abo joto Tiprasarog sawi maya.Chini Tiprasarog sawi manbaithwng tei chini article bai kwrwngui tongdi haikhe teibo bithi bwrai rog saimna manai.
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.
Kommentare