Sakolok Mwtai eba ama Sangrokma mwtai abo mwtai kaisa kubui kerang kothoma bai gwdaljak ah kothomani mung wngkha milok lepsa eba khakcha. Sana thangkhe hai hinui saimano chini bukung bara Tiprasa rogbai rwwi phaijakmani kwbangkuk Mwtaini kaisa kaisa kubui kerang kothoma tongrwkguinu tongo.Phaidi chwng tini Sakolok mwtai no twwi sukrupbwi bini yaphang saimanlainai.
Nukhungni Malikjwk sao mung Ashalata Debbarma,"ani sajwla okra ni mungui chwng Sakolok mwtai maniwi tongo.
Bo agiphuru kaisa thaio beraina thangphuru o Sakolok mwtai rwlai tonglaima jagao manjakgui phaiphuru ni siming o mwtai bono rwtharwi phaima bagui chwng tabok Sakolok mwtaino bosor brumno khulumu.
Sakolok mwtaino rwna bagui Nukungni borokrog khoroknwi borokno batiwo rwrwo,borog wngkha
Madhumala Debbarma,bo sao,"Sangrokma ama no mwtai rwna bagui chwng phung asirisiri ni simingno tiyar ma khailaio,l twi tukoi mosoi ri kaham chumui.Chini ama Sangrokma wngkha soidom mwtai bono chwng palaina thangtani kwrak niyom ma manio,tabok mwtai rwoi tongphuru chwng khoroknwi khupuina muchungbo ma khupuiya khe ma tongnai,swtwi khe bo ma tokonai tei phatar thana muchungkhe ke ma tokonai amoswk khe niyom kwrak ma manio hayakhe chini ama Sangrokma chajakya wngui eba bo nosto khainai hai hinui chini puito chamung.
Mwtai rwjakmani niyom palaimung abo bobohai khe rwjak abono sanai Logi tongnai chakrajwk.
"Poila nokphang wathwi wa kongbrwi tanwi haya swnamoi ri kwthar kuphur swngui bel bwlai guriwi khwtwng kuphur bai khe khawi rwjakha.Tabok diporo hinkhe mairum Mai kwtal bai thalik batasa baroknai tei logio fol fokra bo barokgo"
Madhumala horo mwtai rwmani niyomno saphiru, tabok Sarikgo hinkhe awang bai mwtai ma rio.Chini ama Sangrokma eba Sakolok bono nu hino Sakolok mwtaino-nu ama Sangrokma hino bono wainwi khe mwtai ma rio diporo waisa tei sarik hor baikhwlai dropbo waisa, obo mwtai wngkha kubun mwtaibai juda bini haya swnamjakma tei barokmajakma awang sermani bo juda khe serwi ma barokgo bo wngkha soidom,abo paiwi haino hai Nukhungni borok khoroksa horo Honiboro eba ama Songtrama no ma rwphinai.
Kubun Article : Hojagiri palai jakmani Laibuma - Nirok saiwi dema?
Horo Honi boro mwtai eba ama Songtrama mwtai rwkha Nukhung ni malikjwkni bosok brwi bini kokthairog wngkha- mia Sangrokma mwtai sarik ni sanjao rwi paima yaguil horni 7ta tamgphuru Ang Honiboro barokkha.Chwng khoroktham mai machaya ma tongo tamni hinmale chini mwtai tini si painai tabuk ochai naharwi haya khwlai takhum ratharwi abono songui paima ygulo si mai chanai tei ochaino bo mai charwi chwngbo ochai bai baksa khe mai chanai abo pai ochaino khulumui guru dokhina rohonai.
Nukhungni Malik bumung Lalmohan Debbarma, Ani nukhungo chwng omo Sakolok eba ama Sangrokma no mwtai rwjakmani amo ani sajwla okrani bagui mansi khaijak.Haini bagui chwng agini simingno bini mungui mansi khwlaiwi maniwi phaimani mwtai Sakolok mwtai no.
Tamoni Mansi khwlai jak tei mwtai tamni rwjak,Malik(Lalmohan Debbarma) Sao, Chwng Mansi khaimani wngkha Nukhungo kebo hamya rog wngui tongkhe eba kebo kotor hamya kwlai hamwi bachai maya wngui tongkha hinkhe aphuru chwng mansi khwlai o je Jani Jani manima tei muchungma no mukumwi khulumui khuk kwthar phuru abo khuk hanta o khwlai Maya.
Taini (next day) diporo mwtaino nokgo sitokgui tonwi Nukhungni khoroksa borokno bor rwmani
Khoroktham mwtai rwnairog sao, Chwng tabok chawi nungui i mwtai paikha ba tabok dipor laidrop sarik hai wngui tongkha ba tabok omo mia ni kaisa kainwi Prasad suprujakyano yakgo twiwi bor rwwi kwlangsinaita thanani swkang.
Bor tamo hinui rwjak tei bor tangui rw?
Khoroksa mwtai rwnai sao, bor wngkha kaisa hamari rwmani eba bini Nukhungo hamkwrai mwnwikwrai rwi tondi hamya chaya tei dosa dondi katirwi tondi hinui chwng chini mwtai Sakolok ama Sangrokma no suwaioi bor rwo.
Chini Tiprasa rogbai rwwi phaijakmani kwbangkuk Mwtaini uklogo tongo kubui kerang kothoma phiya ah kerang kothomarog mwtai rwphuru simi si khwnana manai.Tiprasa rogni hukumu mukumu o maniwi tei palailai phaijakmani mwtai teibo tongo khursajaknai. Abohai teibo chini dophani mwtai palaijakmarogno saimana bagui norokno ang chaitokgo chini article no porinani tei adivasi lives matter bai kwrwngui tongnani.
Comments