Tripura hasteo Bharat hakotoro chikon haste hinwi nw sinimwng rojagwi tongw - phiya Talent hinkhe bwini sai chikon ya hinwi borom yaphar jagwi tongw bebak thai nw. Tripura hasteni Hukumu Mukumu rogno rwchapmwng mwsamwng rogno hayung gwnangwi nw borom manwi tonga. Omo haikhe nw Khoroksa bukhukjwk Parmita Reang bw borom swnamwi tongw Tripura hastenw. Parmita Reang bw rwchap kwrwng hinwi Tripura hastenI joto luku rognw bono khao thai swnamwi nakha. Parmita Reang Tripura hasteo simi nw mwng swnam jak ya bw North East o bw aswk nw mwng swnam jak. Chwng tini Parmita Reang samwng hwmwngo bwswk swrwngmwng swrwngwi man - tei bahai sakno bachana swrwng kha abo rognw saiman lanai.
Parmita Reang bw khoroksa Tripura hasteni bwkhukjwk - boni kami rok ungkha Twikormo - Manu amchaini. Bw chwrai phro aswk omo hai rogo sogwinai hinwi chongwi manya phiya tabok bw khoroksa Tripura ni Talented hinwi sinimwng manwi tongw. Boni bwma bwpha sung bono Mwsamwng phwrwngwa bangwi bono phurwng rowi tongmani chwrai phro, Phiya boni kwpalo tei bw kaham swijakni bangwi nw bw tabok luku rogni khao thai manwi tongw rwchapmwng kwrwng hinwi.
Parmita Reang ni tabok phanu social media hai rogo bw belai nw popular ungwi tongw - instagram 100k follower tei facebook page rogo 400k Follower manwi tongw. Abo rogno karwi bw bo YouTube bw aswk nw subscriber tongw bebagwi 116k manwi Silver play button bw mankha Parmita Reang.
Boni rwchapjak rwchapmwng rok tabok bebak streaming app o nw manthogwi tongw - Gaana, Spotify, apple music, jiosavaan hai joto app rogo. Bw khoroksa Bharat hakotorni singer hinwi tabok borom yaphar jagwi tongw. Boni rwchapjak rwchapmwng rok bisi bwrwng nokharwi tongw. Romantic hundi dokho rwchapmwng hundi tei mwsajaknai rwchapmwng hundi. Parmita Reangni rwchapmwng rogno kokborok sanai rog simi nw chajak ya bebak Tripura hasteni luku roknw boni fan. Boni Tulung Tulung rwchapjak rwchapmwng tongthok sal rogo khe tamjagwi tongw Tripura hasten joto luku rogni nok bwrwngw. Tulung Tulung video youTube 5 Million views manwi tongw.
Parmita Reang bw boni rwchapmwngni cheng thani yaksosa thanio sakni bwpha sakthar mabai nw bw tabok aswk jorao sokphaikha. Bw boni bwpha bai class 3 ni swrwng tongphro kheno Classical Rwchapmung swrwngthanio Teacher ni ora rowi roijakha. Phiya bw Classical swrwngmwng aswk kaham khe kwrwngwi manliya - phiya bwkhao kaisa imang tong mani bangwi bw chwrai phroni siminw Headphone thuwi Studio o rwchap wani mwchwk mani. Bw saksak sanu aswk daity boni emang mwkthang ungnai hinwi sawi manya. Bw boni tei bw kwchwk kasathani Sandep Singha nw bw mwng khwrsakha bwni Tap Recorder o sakni khorangnw rwchap naite naitenw kaisa kokborok album karina kha thangsa phailaikha borog. Haikheno Changdhuk album karwinai puila yapri septhanio nw luku rogni khao thai swnam kha Parmita Reang. Bw Rwchap wani sep manphanu bw Album khainai roghinwi wanswk jakya phanu phiya kebo nw Album o nwk jakna borog manya ni bai Album o nwk jak thani o bw yapri sepkha Parmita Reang - Jotono hino anu o sikli hinwi, aphro bw Class 9 poriwi tong mani 2006 bisio.
Parmita Reang bw rwchapmwng simiya swrwngmwng rogo bw aswk nw kaham khe swrwngwi phaijak bw Tripura University o M.SC Microbiology naiwi. Bw ora passed out ungmani yakulo bw khoroksa phwrwngnai ungwi bw Khumulwngni Borok Pramedical Institution and Technology o phwrwngnaijwk ungjak. Phiya bw ora jora gothok yani bangwi rwchapmwngni haphar baino kwrwngwi tongw bw.
Abo rogno karwi bw Parmita bw sakbaithangbw Kokborok video album hai rogo Direction rokbw rao tei boni sakni bangwi bw video album rokbw khai twrwngw. Bw sao bw omar chakra ungwi phanu boni laibuma narwkna bangwi hinwi bw Kokborok album bw sakno khaitwrwng rwchapmwngnw karwi bw.
Bw omo rogno karwi bw bo Tripura hasteni Tiprasa rogni bisingw sakbaithang swnam jak “Twimuk” twi company ni bw Brand Ambassador ni barja nawi samwng tangwi tongw Parmita Reang.
Parmita bw sak rwchapkwrwng simi bwya bw kwbangma Tripura hasteni rwchapkwrwng rok sep manya ung tongma jora rogo bw borok roknw belainw yak sosakha. Tei bw kwbangma borok nw chubamani bw nwk jagwi tongw.
Parmita Reang Album khai thani hinwi Tripura hasteni kona beser o thang phro hinkhe Tiprasa amchai hai rogo belai jwngjal nwk ma bai bw naiwi tong manjaya. Haini bangwi bw rwchapmwng mwsamwng nw karwi bw bo NGO ni samung khainabw chengkha. Bw Kami amchai rogo twini biyal ungjak luku roknw twi bak thani rogw bw yapri sema nwk jagwi tongw. Tei Nok kwrwino Chuba thanio bw sakbaithang thangwi chubama rok nwk jakha. O Koktwmano Parmita Reang ni khukphang baino saimankha.
Comments