Kwtal molni kwtal jora - kwtal hapharo bebak hayungni borok rok nw yapri sepna chengbai kha. Digital mol haphai kheno kwbangma swlaijakmwng swlaijakma nwk jagwi tongw -2G ni yakulo 3G tabok 4G ni yakulo phaiwi tongw 5G omo haikhe nw Social media bai kwrwngma thak yawi nw nwk jagwi tongw tabokni jorani sikla tei Sikli rok kwtal hapharni ni yaprio. O jora kwtalni mumbai kwrwngna swrwng tongkha Tripura hasten sikla tei sikli social media hamjaknai rok. Tripura hastei jorani kwtalni sikla rok kwrwngkha hayungbai swrwngkha hayungni kwtal jorani yaprinw - Influence marketing ni sepnw yachakna chengbai kha hasteni sikli talent rok bw. Tabok Tripura hasteni sikla social media hamjaknai rok influencing marketing bai kwrwngmani belai nwk jagwi tongkha 2022 bisio. Kwtal samwng phiya ajina lama karwi nahar tongbaikha Tiprasa bwrwi rok toma sikli toma kayak borjak jotonw kwrwngma nwkjagwi tongkha tabok.
Chwng Influencer marketing tamo phaidi saimanlainai - Influencer marketing ungkha kaisa Social media marketing. Kaisa company haiya kheba brand ni manwi khuknwi nw samwng nangma koktwma luku rokni bwskangw sakhlai romani, Pramote khaimani je kwtal Advertising khaima samwng social media borok rokni bisingtwi nw kok kwlai bai chwng sai manlaio. influencer Marketing Industry tabokswk jora $16.4B taklai bisio kasajak. 2016 bisi nw rangmari $1.7 billion tongmani phiya bisi kasawi phaikhe nw o industry nirang mari akarwk akarwk 2025 bisio 25% khaiwi tei bw akarwi manu. O koktwma nw google ni bisingtwi yachak jakha.
Bharat hakotor ni brand rok tabok kwbangma hasteni artist haiya kha social media kwbangma follower twiwi tongnai rok nw sakni brand ni bangwi promoted khairona borog hamjakma nwk jagwi tongw. Tripura hastei ni kwbangma social media hamjaknai rok bw bwini hasteni baksa nw kwbang follower twiwi tongnai kwbangma nwk jagwi tongw. Tripura ni bwrwi rok kwbang kwk borok nw youtube vlogs tei instagram khaina chajakma nwk jakbaio.
Tripura hasteni belai borom swnam jak Parmita Reang bw bo social media influence bai kwrwngma nwk jagwi tongw. Boni instagram account o bebagwi 86k nw sai kwbang follower manwi tongw. Tei Youtube o bw 123k subscriber twiwi tongw. Bw Youtube vlogs ni bisingtwi brand ni ads yachagwi tongw. Tei Instagram ni bisingtwi Story tei Real tei photos post khainani brand ni thani samwng yachagwi tongw. Parmita Reang sakha bw kaisa instagram story ni bangwi salsao 2k naharwi tongw tei reels ni bangwi 10k ni simi 15k naharwi tongw salsini ni bangwi.
Bisraganj amchaini Jiya Debbarma mwngwi khoroksa swrwngwi tongnai bw bo social media bai belainw kwrwng jak. Tiktok tei Likee hai short video app tongphro viral ungjak Jiya Debbarma tabok bw belaino social media o follower ni bisingtwi sinimwng manwi tongw. O App rok Bharat hakotoro band haiya kheba mwthak jakma yakulo borok tabok Instagram bai kwrwngwi paibai kha. Tabok boni insta o bw 100k follower twiwi tongw. Bw bo haino Insta story tei Reels o brand ni promotion ni bangwi kwbangnwk charge khaiwi tongw.
Khoroksa M.A paijak Tiprajwk bw bahai khe swrwngmwngni bisingtwi social media influence marketing bai kwrwngkha boni khuk twi saimanlai wanu. Khoroksa Mariya Debbarma bw khoroksa Tripura University ni student bw sakha bw aswk kwbang social media baile kwrwng jak ya haphanu Instagram bai khe salsao belaino kwrwngwi tongw. Bw twlwk twlwk Instagram o popular tei follower manwi thangma bai bono Brand rok borogni brand nw promoted khaina bangwi DM khaina chengbai kha. Bwbo haino Reels tei Story ni bangwi charge khaiwi tongw. Bw specially Beauty product rok nw twi Ads yachagwi tongw. Bw phainai jorao Youtube bw yapri sepna bangwi wanswk jak. Bw mwngsa rang swbaiyawi nw aji mwngni sep manwi tongw tei talo bw omo samwngw kainwi (2) kaitham (3) manwi tongw.
Omo haikhe nw Tripura hasteni bwrwi rok bw social media o belaino kwtal aji mwng sepni yapri sepwi tongbaio kwtal hayungni o social media marketingni sepo. Omo haikhe phanai jorao tei bw o Industry belai kotor ungwi thang nai hinwi sininai nwknai rok wanswk laijak.
"O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai"
Comments