Yakhrai hikhe kaisa kamini mwng Tripura hasteni Gomati Hangkhor eba District khopjak under Ampi block Bharat Haakotor bai khobjak.Tei o Tripura hasteo kwbangma tribes tongo tei community. Aroni bisingo kami khungsa belai kwchamkuk Kami tripuri 'Jamatia' community ni borokrog o Kami tonglai baija wo bisi bisi romwi. Yakhrai Kami mwngwi abo hikhe bowmura hathai hachwk tolao kwlai o.Phai di chwng borokni Kami bisi brum brum nw jwngjal kisani kokya thakphlaiya tei silaijaya no saimanlaiwanw o kokbwtangni bising twi.
Yakhrai kamini borokrog kwbangkuknw tong kosong tongnai lukurog no bangkugo.Yakhrai
Kami luku khajakmani swiwinarwkjak bijabni bisingtwi kamini luku hamkrai tangphang okra takhuk Upasadhan Jamatia bai koklam salaimani bising twi 1792 bisi o Yakhrai kami khajakha hwnwi.Aphuru ni Simi yakhrai Kami tangtwi chalai phailai jamani borogni jwngjal kisani kokya hwnwi sakha o kamini khoroksa takhuk. Tei aro kamini jwngjalrog nukjakmanirog wngkha lama,baniya khainai,Swrwngnai swrwngnaijwk tei rugi sugi unglaikhe thang laisu khainani.Yakhrai Kami wo jotto wi 102 nukhung tongo tei borok banglaimani hikhe 450 Sai kwbang borok(Population) tongo.Aro kamini jottonisai jwngjalkuk nukjakmanikhe 'Songang' twi(River) abono jwngjal kwbang watwi molkhe o twi torwi belai jwngjal nukjago swrwngnai tei bazaar hathi thang laiso khainani.Tei bw chwng saimankha koklamni bisingtwi o Songang river wo kamini borok khorosa twi kwlwgwi thwi thangjakha hwnwi bo saimankha boni mwng hikhe khoroksa Kami ni pradhan khaithangjak Lt. Nila Pada Jamatia. School wo swrwng tongnai chwrai rok bo hainw Exam ni jora rogo songang river torwi phaikhe thang laiso khainani belaikhe jwngjal kotor wngo hwnwi saiman laikha chini takhukbai koklam salaimani bisingtwi.Tei kaisa jwngjal kotor wngkha rugi sugi wngwi hospital thang laiso khainani belai jwngjal hwnwi bw saimanlaikha.
Kubun Article: Shri Boyar Music tamo samung khai ?
Yakhrai kami wo tongkosong tongnai nw kwbangkuk o kamini chwrairog swrwngnai tei swrwngnaijwk 17 Students hairog tongo hwnwi Sai khwnarokha takhuk khoroksa.Teibo chwng saimanlaikha sorkari chakri khainaibo khoroknwi si hwinwi bo saimanlaikha.Borogni Kami o belai sorkari chakrirog kwrwilaija 102 ni nukhung eba family o si sorkari chakuri khaijanaibo haino khoroknwi si hwnwi saimankha o koklam salaimani bisingtwi.Tei bo oro sathai kwlai o kamini takhuk bukhukrogni bisi bisi romwi dukhu kosto jwngjal rogni yakni katina bagwi sorkarni thani bo sanlaijak koimwng bwlaini bo rolaijak hwnwi bo chwng koklamni bisingtwi saimanlaikha.
O kokbwkhal swnamjakha Adivasi Awaaz projectni bwkhaktwi, Misereor tei Prayog Samaj Sevi mothani chubamungbai.
Comentários